Тұңғышбек Батталханов

ЖШС «TNS Plus» Бас директоры


 

Батталханов Тұңғышбек 1972 жылы 28 қыркүйекте дүниеге келген. 1994 жылы Алматы энергетика институтын үздік бітірген, факультеті «радиотехника және байланыс». Өндірістік еңбек жолын 1993 жылы «ҚазТелекомда» Алматы ҚТБ инженері болып бастады.

«Болашақ» президенттік оқыту бағдарламасы бойынша 1997 жылы Universitaire de Technologie Nancy (Франция) университетін «телекоммуникация және ақпараттық желілер» мамандығы бойынша бітірген. Перпиньян қаласындағы France Telecom-да техникалық пайдалану тобының инженері болып жұмыс істеді.

2000 жылы Әл-Фараби атындағы Қазақ Ұлттық Университетін «экономика және менеджмент» мамандығы бойынша бітірген, сонымен қатар International Academy of Business академиясының корпоративтік менеджменті бойынша МВА дәрежесіне ие.

Қазақстанға оралған соң, 1997 – 2006 жылдар аралығында «Қазақтелеком» ААҚ-да маркетинг департаментінің өнімдер менеджерінен атқарушы директорына дейінгі жолды жүріп өткен. 2005 жылы «Қазақтелеком» ААҚ-ның үздік жұмысшысы болды.

2006 жылы «Кар-Тел» ЖШС-нің техникалық директоры лауазымыа шақырту алды. 2008 жылдың қорытындысы бойынша «Вымпелком» компаниялар тобында жеткен жетістіктері үшін «Гауһар ара» жүлдесімен марапатталды. 2009 жылы Golden Telecom Kazakhstan («СА-ТЕЛКОМ» ЖШС) компаниясының Бас директоры лауазымын қоса атқарды.

2010 - 2013 жылдар аралығында «Кар-Тел» ЖШС бас директорының бірінші орынбасары – техникалық директор лауазымында жұмыс істеді, сондай-ақ «Кар-Тел» ЖШС-нің коммерциялық директоры және бас директоры міндеттерін атқарды. 

2013 жылдың екінші жартысынан бастап, «2Day Telecom» ЖШС-нің және «TNS Plus» ЖШС-нің Бас директоры болып жұмыс істейді.

Отбасылы, екі баласы бар, Спортпен, музыкамен, тарихи шығармаларды оқумен айналысады, спорт жанкүйері.