Ұялы байланыстың абоненттік құрылғысын тіркеу туралы

МАҢЫЗДЫ

  • 2018 жылғы 9 қаңтардан бастап «Байланыс туралы» (36-2-бап) ҚР Заңы әрбір клиентті өз мобильді құрылғысын ұялы байланыс операторында тіркеуге міндеттейді.
  • SIM-карта қолданылатын барлық құрылғыны тіркеу керек, мысалы, мобильді телефондар, планшеттер, модемдер және басқа да мобильді құрылғылар.
  • 2019 жылғы 1 қаңтардан бастап заң талабы бойынша, ұялы байланыс операторлары мұндай құрылғыларға қызмет көрсетуді тоқтатуға мәжбүр болады. 

НЕ ІСТЕУ КЕРЕК?

  • Жеке тұлғалар ЖСН ұсынуы керек.

ЖСН-ДІ ЖІБЕРУ ЖОЛДАРЫ 

  • Өз нөміріңнен 6914 нөміріне ЖСН-і бар SMS жіберу.
  • *691# пәрменін теру.
  •  «Менің Beeline-ым» мобильді қосымшасы арқылы.
  • 6914 нөміріне қоңырау шалу (қоңырауларды қабылдау уақыты - таңғы 09:00-ден түнгі 01:00-ге дейін).
  • QIWI төлем терминалдары арқылы.
  • Сату және қызмет көрсету кеңселері арқылы және қажетті ақпаратты тікелей ұсыну.

ҚҰРЫЛҒЫЛАР ҚАЛАЙ ТІРКЕЛЕДІ 

  • Beeline жүйелері құрылғының IMEI кодын және онымен байланысты абоненттік нөмірді анықтап, ЖСН/БСН + абоненттік нөмір + ІМЕІ параметрлері бойынша бірден тіркейді, клиент ЖСН-ді өз нөмірінен жіберген жағдайда.

БІЛГЕНІҢІЗ МАҢЫЗДЫ

  • Нөмір дұрыс тіркелген болуы керек. Нөмірдің дұрыс тіркелгенін *835# пәрмені арқылы тексеруге болады. Егер нөмір әлі тіркелмеген болса, жеке кәлікті алып, Beeline-ның кез келген кеңсесіне бару керек.
  • Барлық жаңа клиенттің абоненттік нөмірі бірден ЖСН көрсетіле отырып тіркеледі.
  • Заңды тұлғалардың құрылғылары дербес менеджер арқылы немесе Сату және қызмет көрсету кеңселерінде тіркеледі.

АҚПАРАТ

«Байланыс туралы» ҚР Заңының 36-2-бабындағы негізгі ережелер:

Ұялы байланыстың абоненттік құрылғысын тіркеу үшін оның иеленушісі өзіне қызмет көрсететін операторға:

  • жеке сәйкестендіру нөмірі (жеке тұлға үшін) немесе бизнес-сәйкестендіру нөмірі (заңды тұлға үшін);
  • ұялы байланыстың абоненттік құрылғысының сәйкестендіру коды,IMEI код кез келген абоненттік құрылғыдан *#06# пәрмені арқылы анықталады.
  • абоненттік нөмір туралы мәліметтерді ұсынады.

Ұялы байланыс операторы ұялы байланыстың абоненттік құрылғылары сәйкестендіру кодтарының дерекқорында ұялы байланыстың абоненттік құрылғысының басқа иеленушісі тіркеген осындай ұялы байланыстың абоненттік құрылғысының сәйкестендіру коды болған жағдайда немесе егер абоненттік нөмір басқа иеленушіге тіркелген жағдайда, ұялы байланыстың абоненттік құрылғысын тіркеуден бас тартады.

Операторға СКД-ға мәліметтері енгізілмеген немесе деректері СКД-ға енгізілген деректермен сәйкес келмейтін абоненттік құрылғыға ұялы байланыс қызметін көрсетуге тыйым салынады.